თინეიჯერისათვის სასკოლო
პრობლემები ოჯახურ პრობლემებზე არანაკლებ მნიშვნელოვანია. სკოლა და
სასკოლო გარემო ის მიკროსოციუმია, რომელშიც ცდილობს თავი დაიმკვიდროს.
სწორედ აქ იწყება ბავშვობიდან სიყმაწვილეში გარდამავალი ასაკის
სირთულეები. მოზარდს არ შეუძლია განაგრძოს ცხოვრება კარნახით,
დიქტატურით,მუდმივი შენიშვნებისა და მოწოდებების ფონზე. მან თავად
უნდა გამოხატოს საკუთარი პიროვნულობა.
ამ ასაკში არაერთ იმიჯს ირგებს. ისედაც გამწვავებული ფონი თვითდამკვიდრების პროცესში თანატოლებთან, მშობლებთან, საზოგადოებასთან და საკუთარ თავთან უფრო მძიმდება პედაგოგების მხრიდან არაკორექტული და დაუდევარი მოპყრობით.
მოზარდების "გაუგებარი"ქცევის ასახსნელად თუნდაც რამდენიმე წუთით დაბრუნდით თქვენი მოზარდობის ხანაში, მიუსხდედით მერხებს და მოსწავლის თვალით შეხედეთ საკუთარ თავს. ვფიქრობ, ბევრი რამ არ აღგაფრთოვანებთ.
რამდენიმე რეკომენდაცია თინეიჯერებს:
1. სიმშვიდე საუკეთესო
თანამგზავრია ცხოვრების გზაზე. არ ღირს აგრესიით მიიღო ის, რაც
შეგიძლია გარემოსადმი პოზიტიური განწყობით მოიპოვო.
2. სკოლა საბრძოლო არენა როდია.
ყველა ის უხერხული რჩევა და დარიგება, თუნდაც შენიშვნა მხოლოდ და
მხოლოდ შენს სასიკეთოდაა გამოთქმული, მაგრამ ზრდასრულებიც ხშირად
ცდებიან რაც შენ უკვე დიდი ხანია შენიშნე.
3. მასწავლებელი მტერი არ არის,
ჩვეულებრივი ადამიანია, და ისევე, როგორც შენ, მანაც შეიძლება შეცდომა
დაუშვას.
4. მოეპყარი პედაგოგებსა და
თანატოლებს ისე, როგორც გსურს, რომ თავად გეპყრობოდნენ.
5. ნუ აუჯანყდები მთელ სამყაროს
იმის გამო, რომ რაღაც ან ვითაც არ მოგწონს. განეწყვე სიყვარულით
სამყაროსადმი და ეს ენერგია აუცილებლად დაგიბრუნდება.
ყველა სტატია შექმნილია არასამთავრობო ორგანიზაცია "დენდრონის" ბაზაზე და მათზე ვრცელდება საავტორო უფლებები.
