დენდრონის შესახებ

მიზანი


XXI საუკუნეში  ნათლად გამოიკვეთა ფსიქოლოგიისა და ფსიქოთერაპიის როლი ადამიანის საქმიანობის პრაქტიკულად ყველა სფეროში. საქართველოში კი  უკანასკნელ წლებამდე სხვადასხვა მიზეზთა გამო ისინი კვლავაც  კრიზისულ დარგებად  რჩებოდნენ. შეიქმნა საჭიროება ჩვენს ქვეყანაში  დაფუძნებულიყო მძლავრი, რეალურად ქმედითი ორგანიზაცია,  რომელიც მიზნად დაისახავდა ფსიქოლოგიისა და ფსიქოთერპიის დარგების განვითარებას.
2011 წლის 27 სექტემბერს ფსიქოკორექციისა და ფსიქოდიაგნოსტიკის სახლი „დენდრონი“ დაფუძნდა როგორც არასამთავრობო  ორგანიზაცია.  ორგანიზაციის დამფუძნებელია მაია ბეგაშვილი. საერთაშორისო აკრედიტაციის - ECP სერთიფიკატის პირველი მფლობელი საქართველოში, ექიმი ფსიქოთერაპევტი (ფსიქოთერაპიაში სახელმწიფო და ევროპული ლიცენზიის მფლობელი) მულტიმოდალი, ევროპის პროფესიონალ ფსიქოთერაპევტთა ლიგის ფსიქოთერაპევტი, ექიმი-ნარკოლოგი ფსიქოთერაპევტი. ივ. ჯავახიშვილის სახელობის სახელმწიფო უნივერსიტეტის ფსიქიატრიის დოქტორანტი.

დენდრონის მიზნად  ისახავს:

  • ფსიქოთერაპიისა და ფსიქოლოგიის დარგების განვითარებას 
  • საქართველოში ევროპული ეთიკის სტანდარტების შესაბამისი ფსიქოთერაპიული სკოლის ჩამოყალიბებას
  • ქართული ფსიქოთერაპიული სკოლის მნიშვნელობის წარმოჩენას საერთაშორისო დარგობრივ ორგანიზაციებთან 
  • ფსიქოთერაპიული და ფსიქოლოგიური მიმართულებით საზოგადოების ცნობიერების ამაღლებას და მაღალკვალიფიციური კადრების მომზადებას
  • დარგში მომუშავე კადრების გადამზადებას და ეთიკის ნორმების სტანდარტიზაციას
  • საქმიანობის ეთიკური და პროფესიული სტანდარტების მონიტორინგს
  • საქართველოში ფსიქოთერაპიისა და ფსიქოლოგიის ევროპული სტანდარტის შესაბამისი სამკურნალო სერვისის მიღების საშუალების შექმნას
  • მკურნალობის ბიო-ფსიქოსოციალური მოდელის დანერგვასა და განხორციელებას
  • დამოკიდებულებათა სინდრომის მქონე პირთა ფსიქო-რეაბილიტაციასა და სოციალური ადაპტაციას
  • ინდივიდის საზოგადოებასთან ინტეგრირების გაადვილებას
  • სტიგმატიზაციის პრობლემებთან ბრძოლას
  • სტიგმატიზაციის მსხვერპლთა ადვოკატირებას და საზოგადოებაში მათი ინტეგრირების ხელშეწყობას
დენდრონში წარმატებით ხორციელდება სხვადასხვა პროექტები დასახული მიზნების რეალიზებისათვის.


საქართველოში პირველი ფსიქოთერაპიული ორგანიზაცია ევროპული აკრედიტაციით

დენდრონი ფსიქოთერაპიის ევროპული ასოციაციის პირველი და ერთადერთი წევრი ორგანიზაციაა საქართველოსა და სრულიად კავკასიის მასშტაბით (აპლიკანტი 2013 წლიდან, სრულუფლებიანი წევრი 2014 წლიდან).
ორგანიზაცია თავის მიზნებსა და ამოცანებს ახორციელებს „EAP-ის“ ეთიკის კოდექსის შესაბამისად და ნერგავს ევროპის ფსიქოთერაპიული სკოლის ფუძემდებლურ პრინციპებს ჩვენს ქვეყანაში.
დენდრონის სახით საქართველოდან ერთადერთი ორგანიზაცია მონაწილეობს ხმის უფლებით ფსიქოთერაპიის ევროპული ასოციაციის გენერალური ასამბლეის არჩევნებში, აქვს მოწვეული წევრის სტატუსი ასოციაციის ყველა კონგრესსა და კონფერენციაზე, ასევე წვდომა მის სამეცნიერო და სასწავლო ბაზებზე.
დენდრონი მუდმივად მუშაობს გუნდის კვალიფიკაციის ამაღლებასა და განვითარებაზე, რაც განაპირობებს მისი, როგორც მთავარი დარგობრივი ორგანიზაციის ადგილს საქართველოში. ამ მიზნისთვის ყოველწლიურად ორგანიზებას უწევს კვალიფიკაციის ასამაღლებელ სესიებს, რომელსაც უძღვებიან ფსიქოთერაპიის ევროპული ასოციაციის მიერ სერთიფიცირებული საერთაშორისო კლასის სპეციალისტები.
ევროპის მასშტაბით დარგის მაკვალიფიცირებელი უფლებამოსილების მქონე ორგანიზაციამ (European Wide Accrediting Organisation), ინტეგრირებული ფსიქოთერაპიის ევროპულმა ასოციაციამ (European Association for Integrative Psychotherapy) 2019 წლის 27 თებერვლის დასკვნით დაადგინა დენდრონის ინტეგრირებული ფსიქოთერაპიის საერთაშორისო აკადემიის შესაბამისობა ევროპულ სააკრედიტაციო სტანდარტებთან. ინტეგრირებული ფსიქოთერაპიის საერთაშორისო აკადემია დენდრონის შემადგენლობაში შემავალი ერთეულია, რომელიც უზრუნველყოფს ფსიქოთერაპიული საგანმანათლებლო სივრცის შექმნას სწავლების პოსტდიპლომურ საფეხურზე. მიღწევას განსაკუთრებული მნიშვნელობა აქვს ქართული ფსიქოთერაპიული საზოგადოებისთვის, რადგან ეს გულისხმობს ადგილობრივი კადრების მომზადების უფლების მიღებას უმაღლესი ევროპული ლიცენზირებისათვის- ECP. ამასთანავე, ინტეგრირებული ფსიქოთერაპიის საერთაშორისო აკადემიაში, როგორც ევროპული რეგულაციის შესაბამისად აკრედიტებულ დაწედებულებაში გავლილი საათები (საათობრივი ბადის სრულად გავლის შემდეგ) ECP ლიცენზირებას ექვემდებარება დამატებითი გამოცდის ჩაბარების გარეშე მაკვალიფიცირებელ ორგანოში _ EAP განცხადების შეტანის საფუძველზე.


რა არის ფსიქოთერაპიის ევროპული ასოციაცია European Association for Psychotherapy

ფსიქოთერაპიის ევროპული ასოციაცია ევროკავშირის მასშტაბით ერთადერთი მაკვალიფიცირებული ინსტიტუტია ფსიქოთერაპიის დარგში. მხოლოდ ეს ორგანიზაცია განკარგავს ფსიქოთერაპიის შესახებ ევროკავშირის ცენტრალურ საინფორმაციო ბაზას მთავრობების, საჯარო ხელისუფლების ორგანოების და სხვა ორგანიზაციებისთვის.
წარმოადგენს ევროპის საბჭოს  საკონსულტაციო სტატუსის მქონე ორგანიზაციას და ერთიანდება ფსიქოთერაპიის მსოფლიო საბჭოში World Council for Psychotherapy (WCP).
ასიციაცია დაარსდა 1991 წლის 30 ივნისს. მისი საქმიანობის ფუძემდებლური დოკუმენტია 1990 წლის 21 ოქტომბრის სტრასბურგის დეკლარაცია.
სტრასბურგის დეკლარაცია მსოფლიო ჯანდაცვის ორგანიზაციის მიზნების შესაბამისად განსაზღვრავს ფსიქოთერაპიის, როგორც დამოუკიდებელი პროფესიის სტატუსსა და კვალიფიკაციის მიღების საფუძვლებს. 
ორგანიზაციის სათავო ოფისი მდებარეობს ავსტრიაში, ვენაში. 
2014 წლიდან დენდრონის სახით "EAP-მა" პირველად ცნო ქართული ფსიქოთერაპიული სკოლა, როგორც ფსიქოთერაპიის ევროპული ასოციაციის (ცენტრალური სისტემის) სრული წევრი (Full member)
დენდრონი დღემდე რჩება ''ეაპ-ის'' ცენტრალური სისტემის ერთადერთ ორგანიზაციად საქართველოდან და ზრუნავს ქართული ფსიქოთერაპიული სკოლის მნიშვნელობის წარმოჩენაზე ფსიქოთერაპიის ევროპული  ასოციაციის სამუშაო შეხვედრებზე, კონგრესებსა და კონფერენციებზე.
ვრცლად - იხილეთ ბმული საერთაშორისო თანამშრომლობა.


ახალგაზრდული ჩართულობა დენდრონში

დენდრონის პროფესიონალთა გუნდის მიერ მაქსიმალურად წახალისებულია ახალგაზრდული ჩართულობა ორგანიზაციის საქმიანობასა და პროექტებში. ჩვენს ბაზაზე ფუნქციონირებს ახალგაზრდა ფსიქოთერაპევტთა და ფსიქოლოგთა ასოციაცია „აფფა“.
„აფფას“ წევრებს, მთელი რიგი უპირატესობები აქვთ ორგანიზაციის პროექტებში ჩართულობაზე:

  • სტაჟირება ორგანიზაციაში
  • ფასდაკლებები სატრენინგო კურსებზე
  • პროექტები, რომლებიც მხოლოდ "აფფას" წევრებზეა ორიენტირებული.

„აფფას“ წევრებს ენიჭებათ ფართო ასპარეზი თვითრეალიზებისათვის, როგორც თავად ორგანიზაციაში, ასევე მის გარეთ, იძენენ რა პრაქტიკულ უნარ-ჩვევებს და გამოცდილებით ამყარებენ მიღებულ თეორიულ ცოდნას.


ორგანიზაციის ბაზაზე ფუნქციონირებს


  • ოჯახის ფსიქოლოგის პროგრამა
  • ფსიქოთერაპიული კლინიკა
  • ნლპ დარბაზი
  • ახალგაზრდა ფსიქოლოგთა და ფსიქოთერაპევტთა ასოციაცია
  • ინტეგრირებული ფსიქოთერაპიის საერთაშორისო აკადემია
  • მობილური დაუყოვნებელი ფსიქოთერაპიისა და ფსიქოკონსულტირების პროგრამა
  • დენდრონის კინოკლუბი

სტიგმატიზაციის საკითხებზე აქტიურად მუშაობს დენდრონის ბაზაზე არსებული ახალგაზრდა ფსიქოლოგთა და ფსიქოთერაპევტთა ასოციაცია და დენდრონის კინოკლუბი.
ორგანიზაციის განსაკუთრებული ყურადღების ცენტრშია დამოკიდებულებათა სინდრომი. მასთან ბრძლა წარმოადგენს „დენდრონის“ ერთ-ერთ უმთავრეს მიზანს.

გაგვიზიარე შენი აზრი

პარტნიორები

ასევე შეიძლება დაგაინტერესოთ:

მსგავსი სიახლეები არ მოიძებნა!
დაგვიკავშირდი
გამარჯობა, შეავსეთ ველები: