ფსიქოთერაპიის ევროპული ფლაგმანის - ფსიქოთერაპიის ევროპული ასოციაციის (EAP) ეთიკის კომიტეტის თავმჯდომარე - ანანო ნიაური გახდა პირველი ქართველი რომელიც ასოციაციის საკომიტეტო საქმიანობაში ჩართულია თანახელმძღვანელის სტატუსით და იკავებს არჩევით თანამდებობას.
ანანო ნიაური ამავდროულად არის ფსიქოთერაპიის ეროვნული ქოლგის, ფსიქოთერაპიის ქართული ფედერაციის იურიდიული მრჩეველი. EAP ეთიკის კომიტეტის მიზანია ხელი შეუწყოს ეთიკის საკითხებთან დაკავშირებული კვლევისა და სამეცნიერო საქმიანობის განვითარებას მათ შორის, სიმპოზიუმების, ვორქშოფების და ღონისძიებების ორგანიზებით, პერიოდულად აწარმოოს ეთიკის კოდექსის რევიზია და მასში ცვლილებების ინიცირება.

2024 წლის 13-16 მარტს ვენაში ჩატარდა ფსიქოთერაპიის ევროპული ასოციაციის EAP ბორდის შეხვედრა. ფსიქოთერაპიის ეროვნული ქოლგის, ფსიქოთერაპიის ქართული ფედერაციის დელეგაციამ ტრადიციულად მონაწილეობა მიიღო შეხვედრებში და წარმოადგინა ქართული ფსიქოთერაპიული საზოგადოება. შეხვედრაზე განხილული იყო ფსიქოთერაპიის დარგში მიმდინარე სიახლეები და გამოწვევები, სამუშაო მექანიზმები და გაედლაინები.