ფსიქოთერაპიის ევროპული ასოციაციის (EAP) ქოლგა ორგანიზაცია ფსიქოთერაპიის ქართული ფედერაცია დენდრონი უცვლელად გთავაზობთ EAP-ის ოფიციალურ მოწოდებას რუსეთის ხელისუფლებისადმი ომის შეწყვეტის შესახებ:

ფსიქოთერაპიის ევროპული ასოციაცია მოუწოდებს რუსეთის ხელისუფლებას შეწყვიტოს უკრაინის ტერიტორიაზე თავდასხმა და ომი, პატივი სცეს სახელმწიფოთა კანონმდებლობას და დააბრუნოს სამშობლოში რუსული ჯარები და იარაღი.

ჩვენ, ფსიქოთერაპევტები მივიჩნევთ, რომ სამხედრო მეთოდებით შეუძლებელია პრობლემების გადაწყვეტა და  დასახული მიზნების მიღწევა. ნაცვლად ამისა, თავდასხმას მოაქვს განუზომელი ზიანი, იწვევს დესტრუქციას და აისახება არაერთ თაობაზე. მათ შორის, ინდივიდების და ოჯახების ტანჯვის და მძიმე ტრავმების ფორმით სომატურ, ემოციურ და ინდივიდუალურ დონეზე. ფსიქოთერაპევტები მონაწილეობენ მშვიდობიან მოლაპარაკებებში, დიალოგში, დებატებში და კონფლიქტების მოგვარებაში. ჩვენ ვგმობთ ომს და ძალადობას. რუსეთი და უკრაინა არიან ფსიქოთერაპიის ევროპული ასოციაციის წევრი სახელმწიფოები და ჩვენ ვზრუნავთ ორივე ამ ქვეყნის მოსახლეობის კეთილდღეობაზე. ჩვენ მოვუწოდებთ რუსეთის ხელისუფლებას შეწყვიტოს ომი და დაამყაროს მშვიდობა გააზრებული და ორივე მხარისთვის პატივსაცემი ფორმით,- დიპლომატიის გზით.

ჩვენ გამოვთქვამთ იმედს, რომ ადამიანური გონიერების უმაღლესი პრინციპები გაიმარჯვებს და მთელი გულით გვსურს რომ მოიძებნოს გამოსავალი რომელიც აღადგენს მშვიდობას.

*თარგმანი მომზადებულია ფსიქოთერაპიის ქართული ფედერაციის მიერ.

ფსიქოთერაპიის ევროპული ასოციაციის ოფიციალურ პოზიციას საქართველოში წარმოადგენს ფსიქოთერაპიის ქართული ფედერაცია დენდრონი
დამატებითი ინფორმაციისთვის: pps.dendroni@gmail.com