ფსიქოთერაპიის ევროპული ასოციაციის
2020 წლის 14-17 ოქტომბრის სამუშაო შეხვედრები განსხვავებული სტილით,
ონლაინ ფორმატში წარიმართა. საქართველოდან და ქართული პროფესიული
საზოგადოების სახელით ვუერთდებით ევროპელი კოლეგების ძალისხმევას
ფსიქოთერაპიის დარგის განვითარებისა და თანამედროვე გამოწვევებისათვის
სწარაფი და ადეკვატური რეაგირების მექანიზმების შემუშავებაში.
2020 წელს კორონავირუსის პანდემიამ
მსოფლიო მოსახლეობის მენტალური ჯანმრთელობა და ემოციური კეთილდღეობა
განსაკუთრებული, ახალი ტიპის გამოწვევების წინაშე დააყენა, რისთვისაც
მნიშვნელოვანია ფსიქოთერაპიული საზოგადოების ძალისხმევა.
ფსიქოთერაპიის ევროპული ასოციაციის მიერ შემუშავდა დისტანციური
კონსულტაციისა და ტრენირების სტანდარტი, დასრულდა მუშაობა
ფსიქოთერაპიის განახლებულ პროფესიულ ჩარჩოზე. განხილული იყო ეთიკური
პრაქტიკის წინაშე მდგარი გამოწვევები. ფსიქოთერაპიის დარგში მიმდინარე
სიახლეების ასევე მისი ვალიდური მოდალობებისა და ეთიკური საფუძვლების
შესახებ ინფორმაცია ქართულ ენაზე უკვე ხელმისაწვდომია საიტზე
dendroni.ge. ფსიქოთერაპიის ქართული ფედერაცია დენდრონი 2014 წლიდან
წარმოადგენს საქართველოს ევროპული ასოციაციაში და მუშაობს მისი
ეთიკური და პროფესიული სტანდარტების დანერგვისთვის ჩვენს ქვეყანაში.
ვაცნობიერებთ ევროპულ პროფესიულ ოჯახში ქართული ფსიქოთერაპიული
საზოგადოების შეყვანისა და წარმოდგენის საპატიო პასუხისმგებლობას და
ვაგრძელებთ დარგში მიმდინარე სიახლეების შესახებ ინფორმაციის
მოწოდებას.
